Photobucket LOVE  photo meet.jpg ငါသည်ဗုဒ္ဓမြတ်စွာဟောကြားတော်မူခဲ့သောတရားတော်များကိုကိုးကွယ်ယုံကြည်သောဗုဒ္ဓဘာသာဗမာလူမျိုးမြန်မာနိုင်ငံသားတစ်ဦးဖြစ်၏။ငါတင်ပြခဲ့သောစာပေများသည်ငါ့လူမျိုးငါ့ဘာသာငါ့သာသနာ အတွက်ဖြစ်၏။ထိုငါတင်ပြခဲ့သောစာပေများသည်...၁=ငါ့လူမျိုးငါ့ဘာသာငါ့သာသနာဟုငါဟူသောအတ္တစွဲဖြင့်အစွန်းတစ်ဖက်သို့ရောက်ခဲ့အံ့။၂=မူလရေးသားတင်ပြသောပိုင်ရှင်၏ခွင့်ပြုချက်မရပဲငါ့လူမျိုး ငါ့ဘာသာငါ့သာသနာအတွက်ဟုငါဟူသောအတ္တစွဲဖြင့်တင်ပြခဲ့မိအံ့။ ၃=လူတစ်ဦးတစ်ယောက်၏ပုဂ္ဂိုလ်ရေးအရထိခိုက်နစ်နာစေ၍ငါ့လူမျိုးငါ့ဘာသာငါ့သာသနာအတွက်ဟု ငါဟူသောအတ္တစွဲဖြင့် တင်ပြခဲ့မိအံ့။ဤမှန်သော သစ္စာစကားကြောင့် ငါ့လူမျိုး ငါ့ဘာသာ ငါ့သာသနာသည် ကမ္ဘာတည်သ၍ တည်တန့် ထွန်းကား ပြန့်ပွားပါစေသား......

Sunday, June 23, 2013

"ရွှေဥမင် ဆရာတော်ဘုရားကြီး မိန့်တော်မူတဲ့ သင်မကောင်းလည်း၊ ကျွန်ုပ်ကောင်းမည်"














*************************************************************
သင်ကောင်းလျှင် ကျွန်ုပ်မဆိုးပါဆိုတော့သင်မကောင်းလျှင် ကျွန်ုပ်ဆိုးမယ် ဆိုတဲ့ သဘောပေါ့နော်။ ဒါဆို အတော်ကြောက်စရာကောင်းတာပေါ့ နော်သူတော်ကောင်းဆိုတာသင်ကောင်းကောင်း မကောင်း ကောင်း ကျွန်ုပ်ကတော့ကောင်းနေရမယ်လေ။ ။

စီးပွားရေးသမားအချို့က နရံကပ်စာတန်းများ ကိုရိုက်နှိပ်ထုတ်ဝေ ရောင်းချလျက်ရှိပါသည်။ ထိုနရံကပ် စာတန်းများကို အမှန်တရား ပမာထင်မှတ်လျက်၊မြတ်မြတ်နိုးနိုးတန်ဖိုးထားကာ ၊အိမ်နရံတွင်ချိတ်ဆွဲထား သူများလည်း ရှိပါသည်။ နရံကပ်စာတန်များတွင်၊ထေရ၀ါဒ ဗုဒ္ဒဓမ္မနှင့် ကိုက်ညီသည်တို့ရှိသလို၊
... မကိုက်ညီ သည်တို့လည်း ရှိပါ၏။ ထေရ၀ါဒ ဗုဒ္ဒဘာသာဝင်ဖြစ် ပြီး၊ ထေရ၀ါဒ ဗုဒ္ဒဓမ္မနှင့်ဆန့်ကျင်သော စာတန်းကို၊ မိမိ၏အိမ်နရံတွင် ချိန်ဆွဲထားမိမည်ဆိုလျှင် မိမိသည် မိမိကိုးကွယ်ရာ ဗုဒ္ဒဓမ္မကို နားလည် သက်ဝင်မှု မရှိကြောင်း ဖော်ပြနေသကဲ့သို့ ရှိပေလိမ့်မည်။ ထေရ၀ါဒ ဗုဒ္ဒဓမ္မနှင့်ဆန့်ကျင်သော နရံကပ် စာတန်းများတွင် သင်ကောင်းလျှင် ကျွန်ုပ်မဆိုးပါ ဟူသောစာတန်းလည်း ပါဝင်ပါ၏။

ယင်းစာတန်းမှာ ကျဉ်းမြောင်းသော ပုဂ္ဂလခံစားမှု၊ထေရ၀ါဒ ဗုဒ္ဒဓမ္မကို နားလည်သိမြင်ခြင်း အားနည်းမှု၊ ယောနိသောမနာသိကာရ (သင့်တင့်လျောက်ပတ်စွာ နှလုံးသွင်းမှု) မရှိမှုတို့ပေါင်းစည်းရာမှထွက်ပေါ်လာ သော ခြင်းဖြစ်၏။နှလုံးသားမရင့်ကျက်မှုနှင့် ဦးနှောက်အားနည်းမှုတို့၏ ရလဒ်အဖြစ် သီးပွင့် လာသော စာတန်းဖြစ်၏။ ထေရ၀ါဒ ဗုဒ္ဒဘာသာဝင်သာလျှင်မဟုတ်။ လူသားတိုင်းပင် ........မချိတ်ဆွဲ သင့်သော စာတန်းဖြစ်ပါ၏။

လူသည်မိမိတို့၏ လုပ်ရပ်ကို မိမိတို့ကိုယ်တိုင် တာဝန်ခံ နေကြရခြင်းဖြစ်ပါသည်။မိမိ ပြုလုပ်ပြောဆို ကြံစည် သော ကံသုံးပါ၏ အကျိုးရလဒ်ကို မိမိသာ ခံစား၊စံစားရခြင်း ဖြစ်ပါ၏။သင်ကောင်းလျှင်ကျွန်ုပ်မဆိုးပါ ၊ သင် မကောင်း သော် မိမိလည်းမကောင်းနိုင်ပါ ဟုဆိုခြင်းမှာ သူတစ်ပါး၏ အတွင်းသန္တာန်၌ တောက်လောင်နေ သော မီးကို မိမိ၏ နှလုံးသားထဲကူးယူလိုက်သည်နှင့် ပမာတူပါ၏။

သူတစ်ပါး၏ မကောင်းမှု မိမ်ိထံ ကူးစက်မလာပါစေနှင့်။မကောင်းမှုဟူသည် အကုသိုလ်ဖြစ်သောကြောင့် သူတစ်ပါးထံမှ လက်ဆင့်ကမ်းမယူပါနှင့်။ သူ့မကောင်းမှုအတွက် သူဘာသာ တာဝန်ခံသွားပေလိမ့်မည်။
မိမိနှင့်ဆက်ဆံသူက မိမိအပေါ်မကောင်းလျှင် ပြူသူအသစ် ဖြစ်သူအဟောင်းဟုသာ သဘောထားလိုက်ပါ။ မိမိက သူ့အပေါ်ပြန်၍ မကောင်းစရာ မလိုပါ။ ပထမဦးဆုံး အကြိမ်အနေဖြင့် မိမိအပေါ်တွင်သူ နားလည် သဘောပေါက်လာအောင် အကျိုးသင့် အကြောင်းသင့် ဖြောင်းဖြောင်းဖျဖျ ပြောဆို ဆွေးနွေးရမည်။ မိမိ၏စိတ်ရင်း ဖြောင့်မတ်မှန်ကန်မှု အပေါ် သူဘက်မှ မည်သို့မျှ လက်ခံလိုက်လျောမှု မရှိဘဲ မကောင်းမြဲ မကောင်းနေအုံးမည် ဆိုလျှင် ထိုသူနှင့် ဆက်ဆံရေးကို သိမ့်မွေ့စွာ ဖြတ်ချလိုက်ရုံသာ။
မိမိအပေါ် မကောင်းမြဲ မကောင်းနေသူအား လုံးဝမဆက်ဆံတော့ပြီးသည့်နောက်ဝယ် သူ့အကြောင်းနှင့် ပတ်သတ်၍ ချိုသည်ခါးသည်ကို (မှန်သည်ပင် ဖြစ်စေ) တစ်လုံးတစ်ပါဒမျှ ပြောဆိုဝေဖန်မနေနှင့်တော့။ ထိုသူနှင့် ပတ်သတ်သမျှ ယတိပြတ်သာပြည်ဖုံးကားချလိုက်ပါ။ ထိုသူထံမှ အကုသိုလ်များမိမိထံကူးစက် လာအုံးမည် မဟုတ်ပါချေ။ သင်ကောင်းလျှင် ကျွန်ုပ်မဆိုးပါ၊

သင်မကောင်းလျှင် ကျွန်ုပ်ဆိုးမည်ဟူသော သဘောတရားကို လက်ခံကျင့်သုံးနေကြမည်ဆိုလျှင် အဆိုးသံသရာသည် ရဟတ်ပမာ လည်မြဲ လည်လျက်ရှိပေတော့မည်။ နိဂုံးကမ္ဖတ်အဆုံးသတ်တော့မည် မဟုတ်ပါ။မကောင်းသော သဘောတရားတို့ကို လက်ခံသိမ်းပိုက်ခြင်း၊ ပြန့်ပွားအောင်ဖြန့်ဖြူးခြင်းကို မပြူအပ်ပါ။

စာဖတ်သူအားလုံးသက်ရှည်ကျန်းမာစိတ်ချမ်းသာ၍ လိုရာဆန္ဒများတစ်လုံးတစ်ဝတည်းပြည့်စုံကြပါစေ။
အရှင်ဝိမလဝံသ(နာလန္ဒာတက္ကသိုလ်)

No comments:

Post a Comment