အလောင်းမင်းတရား ၊ ကုန်းဘောင်ခေတ် နှင့် ပြည်ရွှေဘို

အလောင်းမင်းတရား ဦးအောင်ဇေယျ
အလောင်းမင်းတရားကြီး ဦးအောင်ဇေယျသည် တတိယ မြန်မာနိုင်ငံတော်ကြီး (ကုန်းဘောင်ခေတ်)ကို ထူထောင်ခဲ့သူ၊ အမျိုးသား စည်းလုံးညီညွှတ်ရေးကို ဆောင်ရွက်၍ ကဗျာစာပေများကို ချီးမြှောက်ခဲ့သည်။ မြန်မာ့စစ်အင်အားနှင့် တန်ခိုးသြဇာ ပြန်လည်ကြီးမားလာစေရန် ဆောင်ရွက်ခဲ့သည်။
အလောင်းမင်းတရား(ခေါ်)အလောင်းဘုရား(၁၇၁၄ – ၁၃ ဧပြီ ၁၇၆၀) ၏ အမည်ရင်းမှာ ဦးအောင်ဇေယျဖြစ်သည်။ ထီးနန်းမစိုးစံခင် အချိန်က မုဆိုးဖိုရွာ၏ ရွာသူကြီးဖြစ်ပြီး ကုန်းဘောင်မင်းဆက်ကိုထူထောင်သူ ပထမဆုံးမင်းဖြစ်သည်။ အင်းဝကို ဗဟိုပြုကာ ထီးနန်းစိုးစံနေကြသည် ညောင်ရမ်းမင်းဆက်သည် နောက်ဆုံးတွင် အောက်အရပ်မှ ဗညားဒလ ဦးဆောင်သည့် မွန်တို့ ဟံသာဝတီမှ ပုန်ကန်မှုကို မဟန့်တားနိုင်တော့ပဲ ပြိုလဲခဲ့ပြီး အင်းဝမှာလည်း မွန်စစ်သူကြီး ဒလပန်း ကသိမ်းပိုက်ကာ အနီးအပါးမှ မြန်မာတို့ကို အုပ်ချုပ်နေခဲ့သည်။ ထို့ပြင် မန္တလေးအနီးတ၀ိုက်တွင် လည်း ကွေ့ရှမ်း ဂုဏ္ဏအိမ် ဦးဆောင်သည့် အုပ်စုတစ်ခုကလည်း တစ်ထီးတစ်နန်းထူထောင်ရန် ကြိုးပမ်းလျက်ရှိသည်။ ထိုအချိန်တွင် မုဆိုးဖိုရွာမှ ရွာသူကြီး ဦးအောင်ဇေယျသည် အနီးအပါးမှ ကျေးရွာများကို စုစည်းကာ မွန်၊ကွေ့ရှမ်းတို့ နှင့်သာမက ပြိုင်ဖက်သူ ဦးချစ်ညို နှင့်ပါအပြိုင် စစ်ပြုတော့သည်။ နှိမ်နှင်းရန် လာသည့် မွန်စစ်သူကြီး ဒလပန်း၏ တပ်များမှာ မုဆိုးဖိုရွာကို ၀န်းရံလုပ်ကြံသော်လည်း အရှေ့ဖက်နယ်စပ်ကို ယိုးဒယားတို့ လာရောက်ကျူးကျော်သည်ကို တိုက်ခိုက်ရန် ဟံသာဝတီသို့တပ်ခေါက်ပြန်သဖြင့် ဦးအောင်ဇေယျအတွက် ကြီးမားသည့် အခွင့်အလမ်းဖြစ်စေခဲ့ပြီး တိုက်ပွဲများကို ဆက်တိုက်ဆင်နွဲကာ နောက်ဆုံး ဟံသာဝတီကိုပါ လက်ရယူနိုင်ခဲ့သည်။
ထိုသို့ဖြင့် အလောင်းမင်းတရားသည် ရွှေ့ဘိုမြို့မှအစပြုပြီး မြန်မာတစ်နိုင်ငံလုံး သိမ်းပိုက်မင်းပြုခဲ့သည်။ ထိုင်းနိုင်ငံ အယုဒ္ဓယကို ချီတက်သိမ်းယူသော်လည်း မအောင်မြင်ဘဲ အပြန်ခရီးတွင် နက်ရွာစံကွယ်လွန်ခဲ့သည်။ အလောင်းမင်းတရားကွယ်လွန်ချိန်တွင် သားတော်ကြီး နောင်တော်ကြီးမင်းက ထီးနန်းအရိုက်အရာကို ဆက်ခံခဲ့သည်။

picture link => http://wikimyanmar.co.cc/wiki/images/3/3c/Alo06.jpg

ပွဲဦးတိုက်ပွဲ
အလောင်းမင်းတရားသည် တပ်အား၊စစ်တပ်အင်အား အားပြည့်စုံချိန်ရောက်သောအခါ မိမိ၏ အသင်းအပင်းများကို ခေါ်ယူပြီး နိုင်ငံတော်ထူထောင်ရန် တိုင်ပင်တော်မူသည်။ ထိုအချိန်တွင် မွန်တပ်များ မုဆိုးဘို ကို ၀န်းရံလာသည်။ ထိုအခါ အလောင်းမင်းတရားမှ ဆွေတော်မျိုးတော် နှင့် အသင်းအပင်းများကို ခေါ်ယူ ပြီး ခုခံ ရန်တိုင်ပင်လေသည်။ အလောင်းမင်းတရား၏ လက်ရုံးတော် တစ်ဦးဖြစ်သော သီရီရွှေတောင်က “ယခုမုဆိုးဘိုမြို့ကို သူတို့ ၀န်းရံလာသည် မှာ ရှမ်း၊မြန်မာ လူအရောရော ဖြစ်သည်။ ရှမ်းနှင့်မြန်မာတို့မှာ မွန်တို့ဘက်မှ ကြိုးကြိုးပမ်းပမ်း အမူထမ်းကြမည် မဟုတ်။ မွန်တို့လည်း စစ်တိုက်ရဖန်များပြီး အင်အား ကုန်ခန်းနေကြလေပြီ။
ကျွန်တော်တို့မှာ အရှင့်အရေး ကိုယ့်အရေး ဖြစ် အရေးတော်ပုံအောင်မြင်သည် အထိကြီုးပမ်းတိုက်သွားကြမည့် သူများဖြစ်ကြပါသည်။” ဟုလျှောက်တင်လေသည်။ မျှးမတ် အပေါင်းတို့လည်း မိမိ ထင်မြင်ရာကို လျှောက်တင်ကြပြီး နောက်ဆုံးတွင် အလောင်းမင်းတရားမှ ” မွန်တို့ဗိုလ်ခြေအင်အား များသော်လည်း စွန့်စားလုပ်ကြံရည် ငါတို့ကို မတန်ရာ။တစ်ချင်တစ်ရွေးမျှ စိန်စစ်ကျောက်ကို မြေလုံးတောင် ရှိလင့်ကစား ကြေမွပျက်စီး အောင် မစွမ်းရာသကဲ့သို့ ငါတို့တပ်ကို သင်းတို့ဖျက်နိုင်မည်လော၊ ငါတို့တွင် မျိုးရိက္ခာ အပြည့်အစုံရှိသည်။ သင်းတို့ စစ်ညောင်းပြီး ရိက္ခာလည်း ပြတ်စေဦး၊ ရေမိုးလည်း ငတ်စေဦး၊ စစ်တို့၏ သဘောသည် ပွဲဦးအစ ပွဲလမ်းမရလျှင် အားပျော့သည်။ သို့ဖြစ်ပြီးလျှင် ကြံကြံခံလေ၊ သင်းတို့ စစ်နွမ်းသည့်ကာလ ငါကိုယ်တိုင်ထွက်ပြီး တစ်ဟုန်တည်း တိုက်တော်မူမည်” ဟုမိန့်တော်မူလေ၏။ အလောင်းမင်းတရား ၏တိုက်မိန့်ကိုရပြီးသော် ဗိုလ်မျှုးတို့လည်း မိမိတို့တပ်ကို ပြင်ဆင်လေ၏။ နောက်လိုက် တပ်သားတို့သည် အမြောက်၊စိန်ပြောင်း၊ တို့ကို လှည်းပေါ်တင်လျက် အသင့်အနေထားရှိပြီးသော် နှစ်ဦးနှစ်ဖက် ပြင်းထန်စွာတိုက်ကြလေ၏။ ရန်သူဘက်ကလည်း စိန်ပြောင်းအမြှောက်များဖြင့် အဆက်မပြတ်ပစ်ခတ် ရာ လောကတစ်ခုလုံး အမြှောက်သံများဖြင့်ဆူညံ့နေလေ၏။ လေးငါးရက်ဆက်ပြီး ရန်သူမွန်များက မုဆိုးဘိုရွှာထဲသို့ ၀င်ရန် မရသောကြောင့် အမာခံ တပ်သား ၁၅၀၀ ဖြင့် ခံတပ်မြို့ ဖျက်ရန်ကြိုးစားသော်လည်း မုဆိုးဘိုတပ်သား တို့က အပြင်းခုခံသောကြောင့် မ၀င်နိုင်ပဲ ရှိနေကြသည်။ ညသန်းခေါင်ယံ ၀င်ရန်ကြိုးစားသော်လည်း နိုးကြားတက်ကြွသော မုဆိုးဘိုသား တို့ကို မကျော်နိုင်ပဲရှိနေရာ ရန်သူတပ်သားများစွာ ကျရှံးလေ၏။ ထိုအခါရန်သူ တို့မှာ ခံတပ်မြို့သို့ မကပ်တော့ပဲ အဝေးမှ တပ်စွဲကာနေလေသည်။ ထိုအခါအလောင်းမင်းတရားက မြို့ပြင်ထွက်တိုက်ရန် တိုင်ပင်ကာ တပ်၄၅တပ်ဖွဲ့စည်း ပြီး အသင့်ရှိနေလေ၏။ ၄၅ တပ်ဟု ဆိုသော်လည်း တပ်အင်အား မှာ ရန်သူနှင့်အလွန်ကာခြားလှပေသည်။ ၁၁၁၄ ခုနှစ် ကဆုန်လပြည့်ကျော် ၈ ရက် သောကြာနေ့ မွန်းတည့် ချိန်တွင် အလောင်းမင်းတရားကြီး ကိုယ်တော်တိုင် အောင်တံခွန် လွှင့်လျက် သားတော်နှစ်ပါး၊ မြင်းတပ် ဆင်တပ် များခြံရံလျက် ရွှေထီးမိုးကာ ထွက်တော်မူသည်။ ထိုစဉ် အလောင်းမင်းတရား ကိုယ်တော်တိုင် လည်းလက်သုံးတော်ဓားကို ဆွဲထုတ်လျက် တစ်ပြိင်နက်တိုက်ရန် အမိန့်ပေးတော်မူလေ၏။ ဤသို့ မိမိဘက် အပြင်းအထန် တိုက်လေသော် ရန်သူတပ်များ ပျက်လေသည်။


Image link => http://hittai.net/hittai/hittai/rom5/home6/11/jun10a.jpg

နောက်ဆုံးတိုက်ပွဲ
အလောင်းမင်းတရား သည် မွန်တို့၏ ဟံသာဝတီနေပြည်တော်ကို သိမ်းပိုက်ပြီးနောက် ရတနာသိင်္ခသို့ ပြန်လည် ချီတက်လာသည်။ အကြောင်းမှာ မဏိပူရ ကသည်းများ အန္တရာယ်ပြုသည်ကို နှိမ်နှင်းရန်ဖြစ်သည်။ ပဲခူးမြို့ကို တိုက်ခတ်စဉ် မွန်စစ်သူကြီး တလပန်းသည် လွတ်မြောက် ထွက်ပြေးကာ သံလျင်မြို့တွင် အခိုင်အမာ ခုခံနေသည်။ မြန်မာတို့က သံလျင်ကို တိုက်ခိုက်သိမ်းပိုက်ပြန်သော် တလပန်းသည် ပြင်သစ်သင်္ဘောဖြင့် အိန္ဒိယပြည် ရှိ ပြင်သစ် စခန်းသို့ ထွက်ခွာခဲ့သည်။ သို့သော် မုန်တိုင်းကြောင့် ထိုသင်္ဘောသည် တနင်္သာရီ ကမ်းရိုးတန်းရှိ မြိတ်မြို့ တွင် ဆိုက်ကပ် ခိုလူံနေခဲ့သည်။ ထိုအချိန်တွင် တနင်္သာရီသည် ယိုးဒယား တို့ သိမ်းပိုက်ထားရာ မြန်မာတို့မှ တလပန်းအား သူပုန်အဖြစ် ဖမ်းဆီးပေးရန် အကြောင်း ကြား ထားသည်။သို့သော် ယိုးဒယားဘုရင်ခံက ပင်လယ်၌ဒုက္ခ ရောက် ခိုလူံဝင်လာသော လူသာရှိသည် တလပန်းဆိုသူ မရှိဟု ပြန်လည် အကြောင်းကြားခဲ့သည်။ ထိုပြန်ကြားချက် ကို အလောင်းမင်းတရားလုံးဝ နှစ်မြို့ခြင်းမရှိ။ သို့သော် အခွင့်မသာ သဖြင့် ယိုးဒယားတို့၏ ရိုင်းပြမူကို သည်းခံ နေလေသည်။ အလောင်းမင်းတရာသည် သက္ကရာဇ် ၁၁၁၃ တွင် ရန်ကုန်မြို့ သို့ပြန်လည်ရောက် ရှိရာ ရွှေတိဂုံဘုရားပွဲတော်ကို စည်းကားစွာကျင်းပလေသည်။ ထိုနောက် သားတော် မောင်ရွ(နောင်တွင် မြေဒူးမင်း) နှင့် မင်းခေါင်နော်ရထာ( ဦးတွန်) အား လူ ၈၀၀၀ တပ်ဖွဲ့ကာ ထားဝယ်မြို့ကို သိမ်း ပိုက်ရန်စေလွှတ် လိုက်သည်။ ထားဝယ်နယ်တစ်လျှောက်တွင် ရှိသော ကုန်သည်တို့သည် မြိတ်မြို့သို့ထွက် ပြေးကြသည်။ သားတော်မောင်ရွကလည်း ခမည်းတော်အား မြိတ်မြို့ရှိ ရန်သူအင်အား မှာ မများလှကြောင်း လျှောက်ထားရာ မင်းကြီးမှ တနင်္သာရီ နှင့် မြိတ်မြို့ တို့ကို သိမ်းပိုက်ရန် အမိန့်ပေးလိုက်သည်။ ယိုးဒယားတို့ စစ်တိုက်ရည် ညံ့ကြောင်း မြန်မာတို့သိသော အခါ ယိုးဒယား ပြည်တွင်း နယ်စပ်အထိ လိုက်တိုက်ရာ နယ်စပ်မြို့ များကိုပင် မြန်မာတို့သိမ်းပိုက်လိုက်မိသည်။ ယိုးဒယား ဘက်မှလည်း စစ်တပ်များစေလွှတ်ရာ သို့သော် မြန်မာ တပ်များကို မတိုက်ခိုက်နိုင်ပဲ ဆုတ်သွားရသည်။ ထိုအချိန် အလောင်းမင်းတရားကိုယ်တော်တိုင်လည်း မြိတ်သို့ ရောက်လာရာ ယိုးဒယားတို့ မြို့တော် အထိ သိမ်းပိုက်ရန် ဆုံးဖြတ်လိုက်သည်။ ထို့ကြောင့် တနင်္သာရီ တွင် တပ်မတော်ကို ပြန်လည် ဖွဲ့စည်းကာ ဆင်ကွန်းစစ်ကြောင်းမှ ရှေ့ဆောင် ချီတက်တော်မူသည်။ မင်းခေါင်နော်ရထာ ၏ တပ်များသည် ရပ်ဗူရီမြို့သို့ ဦးစွာရောက်သည် နှင့် တိုက်ပွဲဖြစ်ပွားသည်။ ယိုးဒယား ဘက်မှလည်း ရဲရင့်စွာ တိုက်ခိုက်သော်လည်း မြန်မာတို့ကို မနိုင်ပဲရှိနေသည်။ ထို့ကြောင့် အယုဒ္ဓယ မြို့တော် အထိ တပ်များကိုဆုတ်ခွာသွားရသည်။ အယုဒ္ဓယ မြို့တော်သည် မြစ်ဆုံတွင်တည် ရှိသဖြင့် မြစ်များက မြို့တော်ကို ကျုံးသဖွယ် ၀န်းရံနေသည်။မြန်မာတို့က ထိုမြစ်များကို ကူးပြီးခံတပ်များကို တိုက်ခိုက်ရသည်။မင်းတရားကြီးက တာတိုက်လင် ကွင်းပြင်ကြီးကို သိမ်းပိုက်လိုက်သည်။ ထိုအချိန်တွင် ယိုးဒယားမြို့အတွင်းရှိ တရုတ်များက တပ် ၂၂၀၀ ဖွဲ့ကာ မြန်မာတို့ကို ထွက်တိုက်လေသည်။ မြန်မာတို့က ပြန်တိုက်လေသော် တရုတ်တပ်များမှာ မခံနိုင်ပဲ တပ်ပျက်ရလေသည်။ မြန်မာတို့သည် ယိုးဒယား တို့ကို ၀န်းရံ နေစဉ် နေ့ရောညပါ အမြောက်ဖြင့် မြို့တော်တွင်း သို့ ပစ်သွင်းလေသည်။ ထိုအချိန်တွင် မြန်မာတို့မှာ ရုတ်တရုတ်တပ်များကို ပြန်စုကာ ဆုက်ခွာလေသည်။ အမှန်မှာ အလောင်းမင်းတရားးကြီးနေမကောင်းသောကြောင့်တပ်ဆုတ်ခြင်းဖြစ်သည်။ ဤသည်ကို ယိုးဒယား တို့က မြန်မာတို့ကြောက်၍ ပြေးပြီဟုဆိုကာ နောက်မှ လိုက်တိုက်သော် မင်းခေါင်နော်ရထာက ပြန်လည် တိုက်ထုတ်သဖြင့် ယိုးဒယားတို့ တပ်ပျက်ပြန်သည်။ ထိုစဉ် အလောင်းမင်းတရား မှာ မုတ္တမ အနီးရှိ ကင်းရွာအရောက်တွင် နတ်ရွာလားတော်မူသည်။ သို့သော်မှူးးမတ်တို့က မင်းကြီးနတ်ရွာလားသည်ကို မကြေညာပဲ နေပြည်တော်သို့ လူယုံကို စေလွှတ်လျက် အိမ်ရှေ့မင်းသား သားတော်ကြီးအား နန်းတော်ကို ထိန်းသိမ်းထားစေလျက် ရန်ကုန်ရောက်မှ နတ်ရွာလား ကြောင်း ကြေညာသည်။ နောင်တော်ကြီးလည်း ၁၁၂၂ ခုနှစ် နယုန်လပြည့်ကျော် ၉ ရက်နေ့တွင် နန်းတက်တော် မူလေသည်။ အလောင်းမင်းတရား နတ်ရွာလား ပြီး ဟု ယိုးဒယား တို့ကို နောက်ကြောင်းမှ နေပြီး ဖြည်းဖြည်း တိုက်နေသော မင်းခေါင်နော်ရထာကြားသော်သည် မြန်မာပြည်ဝင်သည်နှင့် နေပြည်တော်သို့ မ၀င်ပဲ အင်းဝ သို့ချီတက် ကာ သိမ်းပိုက် လျက်နေလေသည်။ ထိုအခါ နောင်တော်ကြီးသည် မိမိ နန်းတက်သည် နှင့် နိုင်ငံတစ်ဝန်းတွင် ပုန်ကန်မူများလည်း များလာသည်။ သို့သော် နောင်တော်ကြီးသည် ပုန်ကုန်သူများကို အောင်မြင်စွာ နှိမ်နင်းနိုင်ခဲ့ သည်။

ကုန်းဘောင်ခေတ်
ကုန်းဘောင်ခေတ်သည် မြန်မာတို့၏ နောက်ဆုံးကိုယ်ပိုင်အုပ်ချုပ်ရေးကိုရခဲ့သည့်ခေတ် နှင့် ခေတ်သစ်တစ်ခုဆီသို့ ကူးပြောင်းရန် အကောင်းဆုံး အခွင့်အရေးရခဲ့သည့်ခေတ်လည်း ဖြစ်ခဲ့သည်။ အောက်ပြည်အရပ်တွင် မွန်တို့ကို အောင်နိုင်ပြီး ပင်လယ်ထွက်ပေါက်ရရှိခဲ့ခြင်း၊ ရခိုင်ကိုသိမ်းပိုက်ပြီး အနောက်ဖက် မဏိပူရ အထိ အာဏာကြီးခြင်း(ထို့ကြောင့် အိန္ဒိယနှင့် ပိုမိုတိုးတက်သည့် သံတမန်ဆက်ဆံရေးရနိုင်ရန် အခွင့်အရေးရှိခဲ့သည်။) တို့ကို ကောင်းစွာအသုံးမချနိုင်ခဲ့ဘဲ နန်းတွင်း အရှုပ်တော်ပုံများ၊အာဏာလုပွဲများ၊အာဏာသိမ်းပွဲများ အစရှိသည့် ပြဿနာများဖြင့်သာ လုံးပန်းအချိန်ကုန်ခဲ့ရသည့်အတွက် ထူးချွန်သည့် ပညာရှင်များ၊မင်းညီမင်းသားများ(ကနောင်မင်းသား အပါအ၀င်) ဆုံးရှုံးခဲ့ရသည်။နောက်ဆုံးမင်းဆက်ဖြစ်သည့် သီပေါမင်းလက်ထက်အရောက်တွင် အင်္ဂလိပ်တို့ ကိုလိုနီအတွင်း သိမ်းပိုက်သွပ်သွင်းခံခဲ့ရတော့သည်။
အမရပူရ နန်းတော်pictrue link => http://wikimyanmar.co.cc/wiki/images/6/6a/800px-Amarapura_palace_British_Embassy_Michael_Symes_1795.jpg ပဒေသရာဇ်မြန်မာနိုင်ငံအလံ(၁၈၅၃-၁၈၇၆)pictrue link => http://wikimyanmar.co.cc/wiki/images/2/2e/Flag_of_Burmese_Empire_%281853-1876%29.svg.png ကုန်းဘောင်ခေတ်ဝန်ကြီးမှူးမတ်များ(၁၇၉၅)pictrue link => http://wikimyanmar.co.cc/wiki/images/0/01/Burmese_Court_Officials_1795.jpg


၁၈၈၅-ခုနှစ် မြန်မာ့ဒေါင်းအလံ
Image link => http://wikimyanmar.co.cc/wiki/images/f/f3/Burma1885peacockfeltflag2.jpg

ကုန်းဘောင်ခေတ် တွင် အုပ်ချုပ်မင်းပြုခဲ့သော မင်းဆက်မှာ ၁၁-ဆက်ရှိသည်။
1. အလောင်းမင်းတရား (ဦးအောင်ဇေယျ) (နန်းစံ ၁၇၅၂ -၁၇၆၀) 2. နောင်တော်ကြီး (နန်းစံ ၁၇၆၀- ၁၇၆၃) 3. ဆင်ဖြူရှင် (နန်းစံ ၁၇၆၃-၁၇၇၆) 4. စဥ့်ကူးမင်း (နန်းစံ ၁၇၇၆-၁၇၈၂) 5. ဖောင်းကားစားမင်းမောင်မောင် (နန်းစံ ၁၇၈၂ ဖေဖော်ဝါရီလအတွင်း နန်းစံ ရက် ၇ ရက်) 6. ပဒုံမင်း (မြေဒူးမင်း-ဘိုးဘိုးတော်ဘုရား) (နန်းစံ ၁၇၈၂-၁၈၁၉) 7. စစ်ကိုင်းမင်း ခေါ် ဘကြီးတော်မင်း (နန်းစံ ၁၈၁၉-၁၈၃၇) 8. သာယာဝတီမင်း (နန်းစံ ၁၈၃၇-၁၈၄၆) 9. ပုဂံမင်း (နန်းစံ ၁၈၄၆-၁၈၅၃) 10. မင်းတုန်းမင်း (နန်းစံ ၁၈၅၃-၁၈၇၈) 11. သီပေါမင်း (နန်းစံ ၁၈၇၈-၁၈၈၅)(လောင်း နောင် ဆင် စဥ့်၊မောင် ဘိုး ဘ သာ၊ပု မင်း သီ) လို့ အလွယ်မှတ်နိုင်ပါတယ်။

ဘကြီးတော်ဘုရား (၁၈၁၉-၁၈၃၇) လက်ထက်တွင် ပထမ အင်္ဂလိပ် – မြန်မာစစ် (၁၈၂၄-၁၈၂၆) ဖြစ်ပွားပြီး အာသံ ၊ မဏိပူရ ၊ ရခိုင်နှင့် တနင်္သာရီ တို့ကို အင်္ဂလိပ် အရှေ့အိန္ဒိယ ကုမ္ပဏီလက်သို့ ပေးအပ်ခဲ့ရသည်။ ပထမ အင်္ဂလိပ်-မြန်မာစစ်ပွဲ တွင် စစ်သူကြီး မဟာဗန္ဓုလမှာ ထင်ရှားခဲ့သည်။ ပုဂံမင်းလက်ထက်တွင် ဒုတိယ အင်္ဂလိပ် – မြန်မာစစ် ဖြစ်ပွားခဲ့ပြီး ဧရာဝတီ ၊ ရန်ကုန် နှင့် ပဲခူးတို့ကို အင်္ဂလိပ်တို့ လက်သို့ ပေးအပ်ခဲ့ရပြီး အောက် မြန်မာနိုင်ငံ တစ်ခုလုံး ဆုံးရှုံးခဲ့ရသည်။ ဒုတိယ အင်္ဂလိပ်-မြန်မာစစ်ပွဲသည် (၃)လသာ ကြာမြင့်ခဲ့သည်။ သီပေါမင်း (၁၈၇၈-၁၈၈၅) လက်ထက်တွင် တတိယ အင်္ဂလိပ် – မြန်မာစစ် ဖြစ်ပွားခဲ့ပြီး မြန်မာတို့၏ အချုပ်အခြာ အာဏာ ဆုံးရှုံးခဲ့ရသည်။ သီပေါမင်းနှင့် မိသားစုများအား အင်္ဂလိပ်တို့က အိန္ဒိယသို့ ခေါ်ဆောင်သွားခဲ့သည်။ ၁၈၈၆ ဇန်န၀ါရီ (၁) ရက်နေ့တွင် မြန်မာနိုင်ငံအား အိန္ဒိယ၏ပြည်နယ်တစ်ခုအနေဖြင့် ဗြိတိသျှအင်ပါယာအတွင်းသို့ သွပ်သွင်းလိုက်ကြောင်း အင်္ဂလိပ်တို့က ကြေငြာခဲ့သည်။ တတိယ အင်္ဂလိပ်-မြန်မာစစ်ပွဲ ပြီးနောက် မြန်မာ့ နန်းစဉ် ရတနာနှင့် အဖိုးတန်ပစ္စည်း အများအပြား အင်္ဂလိပ်တို့ သိမ်းပိုက်ယူငင် ခဲ့ကြရာ သမိုင်းတွင် ထင်ရှားလှသည့် ပတ္တမြား ငမောက်‎လည်းပါဝင်ခဲ့ပြီး ယခုတိုင် မည်သည့်နေရာတွင် ရောက်ရှိနေမှန်း မသိရပေ။
ကုန်းဘောင်ခေတ် နယ်ပယ်အုပ်ချုပ်ရေးတွင် ကျင့်သုံးသော ကမ္ဘာလေးရပ် တရားစီရင်နည်းကမ္ဘာလေးရပ် တရားစီရင်နည်းကို မဖော်ပြမီ မြန်မာ့တရားစီရင်ရေး၏ အခြေခံမူကို ပထမတင်ပြပါမည်။ မြန်မာတို့၏ တရားစီရင်ရေး အခြေခံမူမှာ ကြီးသည့်အမှုကို ငယ်အောင်၊ ငယ်သည့်အမှုကို ပပျောက်အောင် စီရင်ရမြဲဖြစ်သည်။ တရားစီရင်ရာတွင် ဖြတ်ထုံးများ ၊ ဓမ္မသတ်များနှင့် ရာဇသတ်ကို မှီကြသည်။ ဓမ္မသတ်မှာ ပါဠိဖြင့်ရေးထားသော ဥပဒေကျမ်းဟောင်းများကို မြန်မာဘာသာသို့ ပြန်ဆိုထားခြင်း ဖြစ်ပြီး မြန်မာ့တရားရုံး များ၏ ကျင့်ထုံးများ၊ ဓလေ့ထုံးတမ်းများကိုပါ ထည့်သွင်းရေးသားထားသည့် ကျမ်းများဖြစ်သည်။ မနုရင်းဓမ္မသတ်၊ မနုကျယ် ဓမ္မသတ် စသည်တို့ဖြစ်သည်။ ရာဇသတ်ဆိုသည်မှာ တရားမမှု၊ ရာဇ၀တ်မှုများ စစ်ဆေးရာတွင် ထားရမည့် အခြေခံသဘောထား၊ လိုက်နာရမည့် နည်းလမ်း၊ အပြစ်ပေးစီရင်ပုံတို့ ဖော်ပြပါရှိသော အမိန့်တော်စာတမ်းဖြစ်သည်။
သက်သေအခိုင်အလုံမရှိသော အမှုများကို ကျမ်းကျိန်နည်းဖြင့်ဖြစ်စေ၊ မီးပြိုင်၊ ဆန်ဝါး၊ ခဲထောက်၊ ရေလားဟူသော ကမ္ဘာလေးရပ် တရားစီရင်နည်းဖြင့်ဖြစ်စေ တရားစီရင်ကြသည်။

• မီးပြိုင် ဆိုသည်မှာ- – -

တရားလိုနှင့် တရားခံ နှစ်ဦးတို့သည် ဆီမီးကို ပြိုင်တူထွန်းရသည်။ မီးအရင်ငြိမ်းသူက တရားရှုံးပြီး နောက်မှ မီးငြိမ်းသူက တရားနိုင်သည်။

• ဆန်ဝါးမှာ- – -

တရားလိုနှင့် တရားခံသည် ဘုရားရှေ့တွင် သစ္စာပြုပြီး ဆန်လက်တဆုပ်စာကို ပြိုင်တူ ၀ါးရသည်။ ဆန်အလျင်ကုန်သူက နိုင်သည်။ ပြိုင်တူကုန်ပါက ရေငုံ၍ထွေးရသည်။ ဆန်စေ့မကျန်သူက နိုင်သည်။ ဆန်စေ့ကျန်သူက ရှုံးသည်။ နောက်တနည်းမှာ ခဲထောက်နည်း ဖြစ်သည်- – - ခဲကို အရည်ကျိုရသည်။ နှစ်ဦးလုံး၏ လက်ညှိုးကို သက်ငယ်ချောင်း ခုနစ်ချောင်းနှင့် ချည်ရသည်။ ခဲရည်အတွင်းသို့ လက်ထောက်စေရာ လက်ထောက်သည့်နေရာ၌ အနာကိုကြည့်၍ ဆုံးဖြတ်ရသည်။ အနာမဖြစ်ပါက လက်ထိပ်ကို သွေးဖောက်၍ သွေးပုပ်ထွက်သူက ရှုံးသည်။

• နောက်ဆုံးနည်းမှာ- ရေလားနည်း ဖြစ်သည်- – -

ရေထဲတွင် ခုနစ်တောင်ရှိသော ၀ါးကိုစိုက်၍ အခြားဝါးတလုံးနှင့် ချည်ထားရသည်။ တရားလိုနှင့် တရားခံတို့က ၀ါးကို တဖက်စီမှ ပခုံးနှင့်ထမ်းလာရသည်။ တရားသူကြီးက အချက်ပြလိုက်သောအခါ ၀ါးကို နှိမ်ချလိုက်သည်။ နှစ်ဦးလုံး မြုပ်သွားပြီး နောက်မှပေါ်သူကနိုင်၍ ပထမပေါ်သူက ရှုံးသည်။ ဤနည်းဖြင့် မြန်မာ့ပဒေသရာဇ်ခေတ် သက်သေအခိုင်အလုံမရှိသော အမှုများကို စစ်ဆေးခဲ့သည်ကို သမိုင်းအထောက်အထား၊ ကျောက်စာအထောက် အထားများအရ လေ့လာတွေ့ရှိရသည်။

ရွှေဘို


Image link => http://wikimyanmar.co.cc/wiki/images/thumb/1/19/Gate-13.jpg/800px-Gate-13.jpg

ရွှေဘိုမြို့သည် စစ်ကိုင်းတိုင်းအတွင်းရှိ မြို့ဖြစ်ပြီး မြန်မာတို့၏ နောက်ဆုံးမင်းဆက်ဖြစ်သည့် ကုန်းဘောင်ခေတ် ၊ ကုန်းဘောင်မင်းဆက်၏ စတင်ရာဒေသ အဖြစ်ကျော်ကြားပေသည်။ လက်ရှိတွင် စစ်ကိုင်းတိုင်းအတွင်းရှိ ခရိုင်ရုံးစိုက်ရာမြို့များ အနက် တစ်မြို့လည်းဖြစ်သည်။

ရွှေဘိုမြို့ သမိုင်း
သမိုင်းတစ်လျှောက်တွင် ရွှေဘိုမြို့သည် မြန်မာမင်းများ၏ လက်အောက်ခံ မုဆိုးဘိုအမည်ရှိသော ကျေးရွာလေးအနေဖြင့်သာ ရှိခဲ့သည်။ မူလက အင်းဝလက်အောက်ခံအဖြစ်ရှိနေခဲ့ပြီး ဘုရင့်နောင် အထက်မြန်မာနိုင်ငံတစ်ဝှမ်း သိမ်းသွင်းစဉ်ကလည်း လက်အောက်ခံအဖြစ် ပြန်လည်ပါဝင်လာခဲ့သည်။ ညောင်ရမ်းမင်းဆက် ကျဆုံးပြိးနောက် မုဆိုးဘိုရွာသူကြီး ဦးအောင်ဇေယျသည် အလောင်းဘုရားဘွဲ့ဖြင့် မွန်တို့ကို တွန်းလှန်ကာ ကုန်းဘောင်ဆက်ကို တည်ထောင်ချိန်မှစကာ ရွှေဘို ဟူသော အမည်ဖြင့်မြို့တော် ဖြစ်လာသည်။ “ဥသြအော်မြည် ကုန်းဘောင်တည်” ဆိုသောစကားအရ ရွှေဘိုမြို့ကို မြန်မာသက္ကရာဇ် ၁၁၁၅ ( ခရစ်သက္ကရာဇ် ၁၇၅၃-၅၄) တွင် တတိယ မြန်မာနိုင်ငံတော်ကို တည်ထောင်ခဲ့သူ အလောင်းမင်းတရားက မင်းနေပြည်တော်အဖြစ် တည်ထောင်ခဲ့သည်။ ရွှေဘိုမြို့ ဖြစ်လာမည့် ဒေသကို ယခင်က မုဆိုးဖို၊ ရန်ကြီးအောင်၊ ကုန်းဘောင်၊ ရတနာသိင်္ခ ဟု ခေါ်ကြသည်။အလောင်းဘုရားက အင်းဝပျက်ခါနီးတွင် အနီးအနားပတ်ဝန်းကျင် ၄၆ရွာကို စုစည်းကာ ထန်းလုံးခံတပ်ကိုတည်ဆောက်ပြီး ဟံသာဝတီ၏ တွန်းလှန်ကာ တတိယမြန်မာနိုင်ငံကို တည်ထောင်ခဲ့သည်။ မုဆိုးဖိုကိုလည်း ရတနာသိင်္ခဟု ပြောင်းလဲခေါ်ဆိုခဲ့သည်။ ရန်သူအပေါင်းတို့အား အောင်နိုင်သည်ကို အစွဲပြု၍ ရန်ကြီးအောင်ဟူ၍လည်း ခေါ်ဆိုကြသည်။ မြို့အနီးတွင်ရှိသော ကုန်းဘောင်အားအစွဲပြု၍လည်း ကုန်းဘောင်ဟုခေါ်ဆိုကြသည်။ အလောင်းဘုရားသည် သံလျှင်ကို တိုက်ခိုက်ရာတွင် တိုက်ခိုက်၍ မရသောကြောင့် လက်ရွှေးစင် ရဲဘော် ၉၀ ကျော်ကို တိတ်တဆိတ် ဝင်ရောက်စီးနင်းစေ၏။ ထိုရဲဘော်တို့သည် ရွှေဘိုသား ဟူ၍ ညာသံပေးကာဝင်ရောက်ကြလေ၏။ ထိုအခါမှစ၍ ရွှေဘိုဟုခေါ်ဆိုကြလေသည်။

ရွှေဘိုမြို့ နှင့် အမည်များ
ကုန်းဘောင်မင်းဆက်၏ ပထမဆုံး နန်းစိုက်ရာမြို့ဖြစ်သည့်အတွက် မြို့အမည်မှာလည်း ၅ မျိုးတိတိရှိပေသည်။ မူလရွာအဖြစ်ရှိစဉ်က အမည်ဖြစ်သည့် မုဆိုးဘို(မုဆိုးဖို)၊ ရွှေဘို ၊ ရန်ကြီးအောင် ၊ကုန်းဘောင်၊ ရတနာသိင်္ဃ တို့ဖြစ်သည်။ ထိုအမည်များကို အောက်ပါ ကဗျာအတိုင်း အလွယ်မှတ်သားနိုင်သည်။
ရန်ကြီးအောင်၊ ကုန်းဘောင်ခ
ငါးမည်ရ ပြည်ရွှေဘို
မုဆိုးဘို ရန်ပြိုတဲ့ နာသိင်္ဃ(ရတနာ သိင်္ဃ)
ဘိုးတော်ဒေသ။

အထင်ကရ နေရာများ

• နန်းတော်ရာ
• အောင်မြေ
• မဟာနန္ဒာကန်
• ကာဘိုးဆည်
• သဖန်းဆိပ်ဆည်

ဘုရားပုထိုးများ

• မြို့ထောင့်စေတီ(မော်ဓောမြင်သာစေတီ)
• ချမ်းသာကြီး ချမ်းသာရစေတီ (မြို့ခံလူများကမူ ဘုရားဟုသာခေါ်ကြသည်။)
• ရွှေတန်ဆာစေတီ
• ရွှေချက်သိုစေတီ
• နိဗ္ဗာန်ဆိပ်ဦးစေတီ
• ရွှေသိမ်တော်ဘုရား(သို့မဟုတ်) သံဃာ့အောင်မြေဘုရား